PETITIONES PIAE AD VIRGINEM MARIAM PER ORDINEM ALPHABETI.

PETITIONES PIAE AD VIRGINEM MARIAM PER ORDINEM ALPHABETI.

Ara Dei vivens, divini foederis Arca,

Conde tuo miserum me benedicta sinu.

Basis adorandum quae fulcis aurea templum,

Pectora sustenta robore nostra tuo.

Cerva, alitur cujus gravissimus ubere foetus,

Pasce tuo mentem lacte benigna meam.

Dume flagrans, paradise Dei, dulcisque voluptas,

Sis calor, et requies, dilitiaeque mihi.

Effigies referens divinum pulchra decorem,

In me perpetuo vivat imago Dei.

Flamma corusca Poli splendori Solis obumbrans,

Pelle mei tenebras cordis, et omne Cliaos.

Gutta gravis fluvio, dulcor fluit unde perennis,

Mentem arere meam ne patiare siti.

Iydria, qua pinguis flumen juge manat olivae,

Unge animi plagas pinguis oliva mei. Janua clausa Poli, soli via pervia Regi,

Sydereas pandat jam tua dextra fores.

Lana verecundo cocci bis tincta colore,

Tinge tuo, et Jesu pectus amore mihi.

Mensa referta cibo, qui coelum nutrit, lumumque,

Me tuus exsatiet, me creet iste cibus.

Nata tuum pariens intacto ventre Parentem,

Sit mihi cum partu vita pudica tuo.

Ora maris, statio jactatis fida carinis,

Excipe me, tumidi quem ferit unda freti.

Purpura, Rex sumpsit de qua sibi tegmina summus,

Exue me culpa, justitiaque tege.

Quadriga, et currus, ferclumque ultoris Jesu,

Da mihi sublimem Virgo suprema manum.

Regina astrigeros orbes, terramque gubernans,

Facta tua sit vitae regula vita meae.

Sylva virore jugi divini uberrima fructus,

Me tua foecundis protegat umbra comis.

Turris in aetherea sublimior orbe Sionis,

Sis arx à saevis hostibus alta mihi.

Vua merum fundens omnis non pressa saporis,

Me rape, me absorbe, tuque tuusque liquor.

Christigena exhalans divinos area odores,

Nostra tui recreet viscera cordis odor.

Zona pudicitiae, castique ligamen amoris,

Perpetuo renes cinge pudore meos.